بما انى اقسمت انى هسيح للراجل ده وهخلى فضيحته بجلاجل فقررت ابدأ
وده مش شماته ولا عداوه بس هو عدل ربنا
لان الشئ ده كان قارف اللى خلفونا 5 سنين فى التلفزيون يتكلم
عن الشرف والاخلاق والمبادئ ومحاربه الفساد
والغريب ان الناس كانت بتصدقه . ليه ماعرفش بس عامه هو الوحيد اللى لسه
بره طره
كل الحكومه اتعكشت الا هو ولكن من موقعى هذا اقول لكم انه القاااااااااااادم
ملفات حاتم الجبلى فتحها مش هدفه الفضايح ليس اكثر
بس الاهم انها الملفات الوحيده الممتده من النظام السابق الى الحالى
لان اى جريمه ارتكبها حاتم الجبلى فى وزارته لسه ممتده معانا وممكن
تستمر 5 سنين كمان
فلازم نوقف الكوارث اللى لسه مستمره بسببه
اولها الامصال : الجريمه البشعه اللى الى الان لسه مستمره ولكن الوزير الحالى مالوش اى ذنب فيها لانه استلم
التركه فاسده اصلا . والادويه المنتهيه الصلاحيه وفساد المستشفيات الخ.........
ولكن قبل ما اى حد يقولى الاسطوانات بتاعه ارحموا عزيز قوم ذل. والرحمه والتسامح
وقبل ماتطلع جروب على الفيس اسمها احنا اسفين ياجبلى
ده ملخص حوار صغير للتذكره ليس اكثر مع مستشار وزير الصحه السابق
عن جريمه العلاج على نفقه الدوله وماقصدش المرضى.اقصد علاج الدكتور حاتم الجبلى وحرمه على نفقه الدوله
حاتم الجبلى اللى ثروته وصلت 12 مليار جنيه كانت بيعالج حرمه على نفقه الدوله !!!!!!!!!!
وكانت اول روايه عن كيفيفه دخول الجبلى الوزاره: اختاروا الاجابه الصحيحه
(شريف وكفؤ –حرامى- نصاب ........). اختر مابين الاقواس
الحقيقه هى التالته لانه سيادته دخل الوزاره مجامله من احمد كلين بعد مع سيادته
اهتم بعلاج زوجته احمد نظيف الله يرحمها
فى مستشفى دار الفؤاد وتسويه الفواتير الخاصه بها من اللجنه الطبيه بمجلس الوزراء ولا من شاف ولا من درى
كان اول رد جميل من كلين انه يجيب حاتم الجبلى وزير للصحه فى العزبه اللى ورثها عن جدو الباشا
والهديه اللى كانت مصاحبه للوزاره هى مصنع ابوزعبل للكيماويات اللى اشتراه حاتم الجبلى ب20 مليون جنيه وهو قيمته الحقيقه 2 مليار بس؟
وتوالت الكوارث الى ان وصلت ان حاتم الجبلى عالج زوجته ب 15 مليون جنيه مصرى
ده غير تذاكر الطيران ليه هو وزوجته واولاده على حسابنا احنا طبعا . ده غير نفقات الاجهزه اللى مش موجوده فى جدول العلاج على نفقه الدوله واللى المفروض انه هو يسدد تمنها على الاقل يعنى ولكنه مشكورا سدد تمنها فعلا......... من خزنه الوزاره
غير طبعا الرحلات السياحيه ليه هو وعياله على حسابنا برده
وثفقه سيارات الاسعاف الشهيييره جدا اللى اهداها لشركه وادى النيل دون اجراء مناقصه بما انها عزبه بابا الباشا
والكارثه ان سيارات الاسعاف دى كان فيها اكثر من 20 عيب فنى . تخيلوا بقى عربيه اسعاف تعطل ولا تولع حتى مش مهم التفاهات دى
مش مهم المريض يموت يتحرق بجاز مش مهم نموت نموت ويحيا الجبلى
تفتكروا الناس سكتت . لا طبعا .... بلغوا . تفتكروا كانت ايه مصير البلاغات؟؟؟؟
اتقطعت والموظفين هما اللى اتمسح بيهم الارض والى الان لسه سيارات الاسعاف موجوده بكامل جريمتها وممكن تعمل اى كارثه فى اى وقت وربنا يستر
نيجى بقى للاهم اللىلولا الثوره قامت كان زمان مصر كلها لبست فى الحيط
قانون التأمين الصحى الجديد
اللى كان ناوى يعمل جريمتين اتنين بس مش كتيريعنى:
الاولى انه هيحول العلاج على المستشفيات الخاصه عشان يعرف يمص دم الناس كويس براحته من غير ماحد يزعجه
التانيه وهى الاهم من الاولى: انه كان ناوى يلغى العلاج المجانى من الاساس
وان شاء الله حد ماتعالج اياكش يولع حد قاله يعيا هواللى غلطان
رحمه ربنا ادعو للثوره بقى لانها انقذت المصريين من الجنايه دى
كل ده كان مجرد قزقزه لب . المره الجايه هقلوكوا على الكارثه الكبيره بقى
الامصال
الامصال
الامصااااااااااااااال
وياعالم يمكن قبل المره الجايه ان شاء الله يكون تومه لبس التريننج الابيض
ربنا يمهل و لا يهمل ان شاء الله ياخد جزاءه زيه زى الفاسدين الى قبلى يارب ما شماته بس الى زى ده مفروض يتشنف من غير ما يحكموا عليه حتى الصحة مستكترنها على الناس حسبى الله و نعم الوكيل
ردحذفولسسسه
ردحذف